„ჩვენ ვირჩევთ თანასწორობას, დაცულ უფლებებს და ოჯახის თანადგომას!“ საზოგადოებრივი კოლეჯი „სპექტრი“ უერთდება აქციას „მეგობრები არ ითვლიან ქრომოსომებს!“.
21 მარტი - 2011 წელს გაერთიანებული ერების ორგანიზაციის ეგიდით დაუნის სინდრომის საერთაშორისო დღედ დაწესდა. მსოფლიოს მრავალ ქვეყანაში ამ დღეს დაუნის სინდრომის შესახებ ცნობადობის ამაღლების მიზნით სხვადასხვა ღონისძიებები იმართება მათ შორის საქართველოში.
• დაუნის სინდრომით იბადება ყოველი 800 ბავშვიდან ერთი
• დაუნის სინდრომის მქონე ბავშვი შესაძლოა ეყოლოს ნებისმიერ ადამიანს
• დაუნის სინდრომი დაავადება კი არა, გენეტიკური ცვლილებაა
• დაუნის სინდრომი არც მემკვიდრეობითია და არც გადამდები
• დაუნი, რომლის სახელიც ეწოდა სინდრომს, არის მეცნიერი, რომელმაც პირველმა აღწერა სინდრომი.
